Presidenti i Republikës, Ilir Meta dhe kryeministri Edi Rama, po marrin pjesë në paradën ushtarake tek sheshi “Nën Tereza”, ceremoni e cila është organizuar me rastin e 10 vjetorit të Shqipërisë në NATO.
Duket se ky takim do të shërbejë edhe për një “pajtim”, të mundshëm mes krerëve të shtetit të cilët për momentin, i kanë marrëdhëniet mes tyre të tensionuara.
Kriza mes dy krerëve filloi, që pas përplasjes së tyre për ministrat Lleshaj dhe Cakaj dhe kriza politike që ka kapur vendin.
Burime kanë bërë me dije se mes Ramës dhe Metës, takimi ka qenë i ftohtë dhe nga fotot e siguruara shihet shmangia e shikimit.
Pak ditë më parë Presidenti Meta, deklaroi se për të zgjidhur krizën politike në vend, ai ishte i gatshëm që të dorëzonte mandatin e tij, madje foli dhe për një flijim, duke u krahasuar me ish-liderin kilian Allende.
