Një pikë transferte parash është grabitur mëngjesin e sotëm në qytetin e Korçës.
Burime zyrtare nga policia lokale bënë me dije se ora shënonte rreth 9:00, kur policia ka marrë njoftim lidhur me ngjarjen. “Jemi njoftuar se në lagjen nr 10, një person i maskuar, dyshohet se nën kërcënimin e një mjeti të mprehtë, ka marrë një sasi lekësh pranë një pike transferte parash”, thuhet në njoftimin paraprak të Policisë.
Grupi hetimor po punon për zbardhjen e rrethanave të ngjarjes, identifikimin dhe kapjen e autorit, shtuan të njëjtat burime.
Po sot, në Tiranë, u grabit dhe dhunua një pronar i një pike këmbimi valutor. Njëri nga autorët u ndalua, ndërsa tjetri është në kërkim policor. /Boldnews/
