Një person është gjetur i mbytur mëngjesin e sotëm në zonën e njohur si ish-kantieri detar brenda Portit të Durrësit.
Raportohet se policia dhe polumbarët kanë shkuar menjëherë në vend të njoftuar nga punëtorët e portit dhe kanë nxjerrë trupin e pajetë nga uji.
Pas këqyrjes paraprake, policia ka deklaruar se trupi i përket shtetasit Xhelal Skënderi, një punëtor i Portit të Durrësit.
Ndërkaq një grup hetimor i ngritur për ngjarjen po punon për zbardhjen e rrethanave. /BN/
