Dan Koski, diplomati amerikan i ngarkuar me detyrë në Tiranë, është shprehur se, “Shqipëria do të ketë shumë shpejt sistemin e ndershëm dhe transparent të drejtësisë që Kushtetuta parashikon.”
“Reforma në Drejtësi vazhdon të ecë përpara, në rrugën e duhur, sipas planit. Shtetet e Bashkuara janë krenare për ndihmën që po u jepet këtyre institucioneve ndërsa ecin përpra. Shqipëria do të ketë shumë shpejt sistemin e ndershëm dhe transparent të drejtësisë që Kushtetuta parashikon. Qytetarët shqiptarë duhet të ndihen të sigurtë për këtë gjë – reforma në drejtësi nuk do të ndalojë”, citohet të ketë thënë Zv/Shefi i Misionit në Detyrë Dan Koski në një njoftim të ambasadës amerikane në Tiranë, në Konferencën “Planifikimi Urban dhe Zhvillimi Ekonomik Vendas”.
Sistemi “i ndershëm dhe transparent” për të cilin flet i ngarkuari me punë në Tiranë, do të ketë në zemër të tij edhe Prokuroren e Krimeve të Rënda Donika Prela, e cila ka mashtruar ambasadën amerikane.
