Petrit Vasili ka reaguar pas deklaratës së të ngarkuarit me punë në ambasadën amerikane në Tiranë, i cili u shpreh se, “Shqipëria do të ketë shumë shpejt sistemin e ndershëm dhe transparent të drejtësisë që Kushtetuta parashikon.”
Në një shënim të shkurtër në Facebook, Vasili shkruan: Drejtësia e ‘re” e bllokoi dhe bunkerizoi dosjen 339, që Drejtësia e vjetër e krijoi?! Çfarë dreq drejtësi e re është kjo???
Zv/Shefi i Misionit në Detyrë Dan Koski, në Konferencën “Planifikimi Urban dhe Zhvillimi Ekonomik Vendas” u shpreh: “Reforma në Drejtësi vazhdon të ecë përpara, në rrugën e duhur, sipas planit. Shtetet e Bashkuara janë krenare për ndihmën që po u jepet këtyre institucioneve ndërsa ecin përpra. Shqipëria do të ketë shumë shpejt sistemin e ndershëm dhe transparent të drejtësisë që Kushtetuta parashikon. Qytetarët shqiptarë duhet të ndihen të sigurtë për këtë gjë – reforma në drejtësi nuk do të ndalojë”. /BN/
