Luftëtari dhe Skënderbeu do të përballen të shtunën në Gjriokastër për javën e 26-të të Kategorisë Superiore.
Të dy ekipet do të kërkojnë vetëm fitoren, Skënderbeu për të kapur një vend për në Europë, ndërsa Luftëtari për të siguruar mosrënien nga kategoria.
Sulmuesi i Gjirokastritëve, Realdo Fili do të përballet ndaj ish skuadrës së tij pasi ishte pjesë e korçarëve në dy fazat e para të kampionatit por që nuk arriti ta tregonte veten.
Në një prononcim për “Rtshsport” Fili ka pohuar: “Skënderbeu është një ekip i fortë, pavarësisht se kanë pasur problem me rezultate në javët e fundit. Por, kjo pak rëndësi ka për ne. Të gjitha ekipet i vlerësojmë njëlloj dhe presim ndaj Skënderbeut që të marrim një rezultat pozitiv, aq më tepër që luajmë në fushën tonë”.
“Objektivat e Luftëtarit janë që të shkojmë sa më gjatë në Kupë, të arrijmë finale dhe pse jo të mbijetojmë në Superiore. Do të ishte me të vërtetë diçka shumë e mirë. Mundësitë i kemi, shpresojmë që ta bëjmë realitet”, – tha sulmuesi anësor i Luftëtarit.
