Sulmuesi i Chelsea-s, Gonzalo Higuain ka marrë një vendim të papritur. El Pipita ka lajmëruar tërheqjen e tij nga përfaqësuesja Argjentinase në moshën 31-vjeçare.
“Cikli im tek Argjentina ka përfunduar. Dua të kalojë sa më shumë kohë me familjen time,” shprehet Higuain për arsyen e tërheqjes.
Ish-sulmuesi i Real Madrid, Napoli, Juventus dhe Milan ka luajtur 75 herë me Argjentinën duke shënuar 31 gola.
Karriera e tij mund të kishte shkuar ndryshe nëse do ta kishte shënuar atë rast në finalen e Kupës së Botës ndaj Gjermanisë.
