Pavarësisht se Klaudio Ranieri u ul në stolin e Romës vetëm prej pak javësh, drejtuesit e Romës po planifikojnë të ardhmen. Mes emrave të parë në listë qëndron Antonio Konte, ish-trajner i Çelsit nga ku u largua me polemika dhe kërkon ende shlyerjen e vitit të fundit të kontratës: situata aktuale është disi e ndërlikuar, sepse pas fitores së Premier Ligës dhe Kupës FA londinezët e larguan si pasojë e një konflikti me sulmuesin Diego Kosta; tani çështja pritet t’i kalojë Arbitrazhit të Trajnerëve që do shprehin vendimin e tyre, e më pas në Gjykatën e Lartë.
Kërkohet, megjithatë, thuajse nga gjithë “big”-ët e Italisë: Xhuzepe Marota e ka zgjedhur për tek Interi në rast largimi të Luçiano Spaletit, Fabio Paratiçi për një rikthim te Juventusi nëse Masimiliano Alegri jep lamtumirën në fund të sezonit, duke kaluar nga Ivan Gazidhis i Milanit, ku Xhenaro Gatuzo thuajse me siguri do mbyllte aventurën nëse nuk kualifikohet në Ligën e Kampionëve.
PAGA – Sipas mediave italiane, presidenti i verdhekuqve, Xhejms Palota, ka nisur kontaktet e para me Konten, i cili do lirohet nga marrëveshja me blutë vetëm në verë. Për të verifikuar gatishmërinë e tij. “Nyja” kryesore qëndron paga, që u afrohet 12 milionë eurove vjetore: një shifër që asnjë nga klubet e Serisë A nuk mund ta përballojë, ndaj edhe vetë 48-vjeçari do duhet të konsideronte një ulje. Në kryeqytetin italian, në çdo rast, po konsiderojnë edhe alternativat: Mauricio Sarri i Çelsit, Xhan Piero Gasperini i Atalantës dhe Marko Xhampaolo i Sampdorias janë profilet kryesore që i interesojnë Romës në rast se ish-komisari teknik i Italisë do refuzonte ofertën.
