Një person është ndaluar në Durrës, pasi në trup iu gjet heroinë. Eduart Deliallisi, 34 vjeç u vu në pranga.
“Shërbimet e Policisë Kufitare gjatë kontrollit të detajuar në vijën e dytë të shtetasit E.D. i kanë gjetur në trup një sasi lënde narkotike me peshë rreth 2 kilogramë e 160 gramë, e dyshuar si heroinë, e cila u sekuestrua në cilësinë e provës materiale”, bënë me dije burime zyrtare nga policia.
“Në vendngjarje ka mbërritur Grupi Hetimor, Specialistë të Njësisë Hetimore Qendrore në Departamentin e Policisë Kriminale dhe Specialistët për Hetimin e Narkotikëve në Drejtorinë Vendore të Policisë Durrës ku vijon puna për zbardhjen e plotë të kësaj ngjarje. Materialet do t’i kalojnë Prokurorisë për Krime të Rënda Tiranë për veprime të mëtejshme”, shtuan të njëjtat burime.
Burime policore thanë i ndari është shofer i një kamioni që kishte si qëllim të linte kufirin me destinacion Italinë.
