Boksieri i peshave të rënda Kubrat Pulev ka fituar vëmendjen e të gjitha medieve pas fitores me nokaut ndaj Bogdan Dinu në Las Vegas. Nuk bëhet fjalë për faktin se mposhti kundërshtarin e tij duke e dominuar, e as për fitoren e 27 në karrierë në 28 sfida, por për puthjen që i dha gazetares pas ndeshjes.
Bullgari Pulev u intervistua nga gazetarja Jennifer Ravalo dhe pas pyetjeve dhe përgjigjeve të dhëna, ky i fundit e puthi në buzë pa leje. Një ngjarje që të kujton puthjen e famshme të Iker Casillasit ndaj Sara Carboneros pas fitimit të Kupës së Botës në vitin 2010, por ndryshe nga portieri spanjoll, Pulev nuk është në një marrëdhënie me gazetaren.
