Portugalia ka marrë barazimin e dytë radhazi mbrëmë për eliminatoret e Euro 2020 dhe kundërshtar ishte Serbia.
Ata e panë veten në disavantazh që në minutën e 8 pasi Tadic shënoi nga penalltia.
Për të mos mjaftuar kjo, në minutën e 29 u dëmtua edhe Cristiano Ronaldo duke i bërë gjërat më të vështira.
Por që arritën të barazonin me një super gol të Danilo në fundin e pjesës së parë.
Pas dëmtimit ka folur vetë Cristiano Ronaldo duke qetësuar tifozët e Juventusit, të cilët u alarmuan jo pak, pasi rrezikonte që të mos luante në ndeshjen kundër Ajax në Champions League.
5 herë fituesi i ‘Topit të Artë’ u shpreh: “Dëmtim im? Nuk jam i shqetësuar. E njoh shumë mirë trupin tim dhe në dy javë do të kthehem të luaj”.
Sipas parashikimit të Ronaldos ai mund të kthehet fiks në ndeshjen e parë kundër Ajax, e cila luhet me datë 9 prill në Amsterdam. /Ariglon Pali/Boldnews.al/
