Një grup adoleshentësh janë përplasur me armë me njëri-tjetrin në një park Londër, ku një prej tyre ka hapur zjarr kundër kalimtarëve duke plagosur disa persona. Sipas mediave në Britani, mësohet se një vajzë 11-vjeçare dhe një grua u qëlluan nga adoleshenti me armë zjarri.
Dëshmitarët që ishin në vend ngjarje bënë më dije se mamaja u qëllua tre herë, ndërsa vajza e saj u prek vetëm nga një plumb. Por këto nuk ishin të vetmet të prekura nga sy sulm, pasi në total mbetën të plagosur 4 persona.
Por një prind që dëshmoi në polici, sipas mediave vendase mësohet të ketë thënë se plagosja ndodhi kur disa adoleshent që ishin në park nisën një shkëmbim zjarri me njëri-tjetrin.
Parku ku ka ndodhur ngjarja
Ndërsa një i pranishëm tjetër ka rrëfyer se ai ka parë gruan e plagosur që ishte e tronditur dhe pyeste për vjazën e saj.
“Parku ishte plot njerëz që po punonin dhe bisedonin. Ata ishin duke qëndruar pranë zonës së palestrës. Ishte një rrëmujë, Ajo ndjeu diçka që e goditi. Ata po gjuanin pas djemve të tjerë. Ata nuk u interesonin për njerëzit atje”, shton dëshmitari sipas The Sun.
Të katër të plagosurit u dërguan në spital, por asnjë nga plagët e tyre nuk mendohet të jetë kërcënuese për jetën. Deri tani nuk ka pasur arrestime, por sipas informacioneve hetimet për këtë ngjarje vazhdojnë dhe një urdhër ndalimi është në fuqi dhe pritet të ekzekutohet.
