Basha sapo ka lënë sot ambjentet e Prokurorisë pasi është thirru nga ky institucion gjatë ditës së sotme.
Ai ka hedhur poshtë akuzat e socialitëve lidhur më lobimet e tij në SHBA dhe ka dekaruar se në fakt Prokuroria, posedon përgjigjet prej 6 muajsh ku vërtetohet pastërtia e çdo drejtuesi të Partisë Demokratike.
“Jemi thirrur sot në Prokurori për të dhënë informacion. Dua të bëj të qartë për të gjithë qytetarët se hetimi i hapur prej një viti e gjysëm bëhet mbi bazën e nenit 190 për plotësimin e formularëve të deklarimit në Komisioni Zyrtar i Zgjedhjeve. Ky është hetimi dhe jo gënjeshtrat dhe shpifjet për të cilat ka aktivizuar këtë hetim sa herë i duhet për nevoja politike. Ka 6 muaj që përgjigjet kanë ardhur nga SHBA ku vërtetojnë se asnjë drejtues i PD nuk ka shkelu asnjë ligj. Ndaj i kemi kërkuar Prokurorisë ti bëjë pulbike përgjigjet e ardhura nga SHBA.
Sot jam njohur me këtë prononcim. Unë ju nxis ti kërkoni Prokurorisë përgjigjet që kanë 6 muaj që kanë ardhur,” është shprehur Lulzim Basha.
Deklarata e kreut të PD-së
Jemi thirrur sot në prokurori për të dhënë informacione si persona që mund të kenë dijeni për rrethanat e hetimit. Dua ta bëj të qartë, për gjithësecilin prej jush sot këtu dhe, përmes jush, të gjithë qytetarët, se hetimi i hapur tashmë prej një viti e gjysëm bëhet mbi bazën e nenit 190 për çeshtjen e plotësimit të formularëve të deklarimit në Komisionin Qëndror të Zgjedhjeve.
Pra çeshtja që po hetohet me kërkesë të Partisë Demokratike, është nëse këta formularë janë mbushur apo jo siç duhet. Ky është hetimi dhe jo gënjeshtrat dhe shpifjet për të cilat është investuar fuqimisht qeveria e cila e aktivizon këtë hetim, sa herë i duhet për nevoja politike.
Ka një vit e gjysëm që ka nisur ky hetim, ka më shumë se gjashtë muaj që kanë ardhur përgjigjet nga SHBA dhe Britania e Madhe, nga Skocia, të cilat vertetojnë se as Partia Demokratike, as një drejtues i PD nuk ka shkelur asnjë ligj, as në Shqipëri, as në SHBA dhe as në Britaninë e Madhe.
Ndaj i kam kërkuar prokurorisë dhe ju nxis ju t’i kërkoni t’i bëjë publike përgjigjet e ardhura nga SHBA dhe Britania e Madhe.
Kur jeni njohur me letërporositë?
Sot
Çfarë thoshin letërporositë?
Basha: Unë edhe njëherë ju nxis t’i kërkoni prokurorisë të bëjë publike përgjigjet e ardhura prej më shumë se gjashtë muajsh nga SHBA dhe Britania e Madhe, të cilat vërtetojnë se PD dhe drejtuesit e saj nuk kanë shkelur asnjë ligj.
