Përfaqësuesja e Kosovës është duke kaluar një formë të jashtëzakonshme.
Miqësorja e përfunduar me shifrat 2-2 kundër Danimarkës e ka çuar në 11 numrin e ndeshjeve pa humbje të Kosovës që tashmë po lakmon me meritë kualifikimin në eventin më madhështor europian.
“Dardanët” me këtë paraqitje kanë trembur jo vetëm skuadrën nordike, por edhe Bullgarinë e cila sot do të përballet me Kosovën në duelin e vlefshëm për eliminatoret e Kampionatit Europian.
Ndoshta duket e pabesueshme por ndeshja e fundit ku Kosova pësoi humbje ishte ajo kundër Islandës me rezultatin 2-0 më 9 tetor 2017.
Tashmë në prag të startit në eliminatoret e Euro 2020 në stërvitje mbizotëron një atmosferë mjaftë e mirë, ku nuk mungon humori dhe as batutat mes futbollistëve.
