Modelja e njohur Adrola Dushi ka qenë në vëmendje të mediave kohët e fundit që pas divorcit me bashkëshortin e saj me të cilin ka edhe një djalë 5 vjeç, Troin. Ditën e djeshme ajo ka qenë e ftuar në emisionin “E diell” ku ka rrëfyer më shumë të pathëna për jetën personale dhe për profesionin.
Gjatë intervistës modelja është ngacmuar nga moderatori, Ervin Kurti, për jetën private pas divorcit të bujshëm. Modelja nuk ka dashur të përgjigjet me detaje dhe ka thënë se ende është single.
“Nuk kam asnjë në krah. Ndoshta tremben nga origjina ime, si mirditore”, tha Adrola duke qeshur.
Ndërkohë ajo ka rrëfyer se gjithmonë kur meshkujt e ngacmojnë u kthehet me një përgjigje epike: “Ik o djalë, unë kam çunin sa ty!”, ka thënë ajo duke shkaktuar të qeshura tek publiku.
