Kombëtarja e Polonisë është në panikë, pasi thuajse gjysma e lojtarëve janë prekur nga një grip ‘misterioz’.
Trajneri i kombëtares polake, Jerzy Brzeczek, ka treguar se që para ndeshjes me Austrinë kanë filluar problemet në kampin e skuadrës.
“Skuadrën e ka kapluar një epidemi, dhe i pari që ishte prekur nga kjo ishte Arkadiusz Milik” ka thënë trajneri polak.
“Ndoshta kishte diçka që nuk shkonte me kondicionerin në Vjenë, sepse shumë lojtarë kishin simptomat e njëjta” ka thënë tutje ai.
“Stafi jonë mjekësor po bën të gjithçka që ky virus të mos shpërndahet tek pjesa tjetër e grupit. Virusi ka prekur tetë lojtarë, përfshirë edhe Krzysztof Piatek” ka shtuar ai.
Shqetësimet në kampion polak janë edhe më të mëdha, kur dimë se lojtari i Napolit shok skuadre me Milik dhe Zielinskin, Fabian Ruiz ishte diagnostifikuar me gripin e derrit.
