Ish-kryeministri Sali Berisha, ka përkujtuar sot 20 vjetorin e fillimit të bombardimeve të NATO-s mbi Serbinë e diktatorit Sllobodan Millosheviç.
Me anë të një postimi në rrjetet sociale, Berisha shkruan se 24 Marsi, është një datë historike, jo vetëm për kombin shqiptar, por edhe për Aleancën Veri-Atlantike.
Sulmin mbi Serbi, Berisha e quan betejën më të madhe ajrore pas Luftës së Dytë Botërore.
Postimi i plotë i ish-kryeministrit Berisha:
Sot dite historike per NATO-n dhe kombin shqiptar!
Te dashur miq, 20 vjet me parë NATO nisi ofensiven ushtarake ajrore ndaj Serbise se Milosheviçit për t’i dhënë fund njehere e pergjithmonë masakrave dhe pushtimit barbar serb mbi qytetarët e pafajshëm të Kosovës. 24 Marsi eshte pa dyshim Dita e madhe ne historine e Kosovës dhe Aleances se Atllantikut te Veriut. Më 24 mars 1999, presidenti Bill Clinton iu drejtua kombit amerikan lidhur me ndërhyrjen e NATO-s kunder Beogradit ne mbrojtje te shqiptareve në Kosovë dhe udhehoqi betejen me te madhe ajrore pas Luftes se Dyte Boterore per çlirimin e saj.
Nder dhe mirenjohje te pakufishme ndaj SHBA, NATO-s dhe vendeve anetare! sb
