Ekzekutimi mafioz i avokatit të njohur Ravik Gurra, mbrëmjen e djeshme në qytetin e Elbasanit, riktheu edhe njëherë frikën tek qytetarët.
Edhe pse kanë kaluar 24 orë nga ngjarja, policia nuk ka ende asnjë të dyshuar për vrasjen. Ndërkohë që sot kanë dalë detaje të reja, lidhur me makinë e përdorur nga vrasësi për tu larguar, e cila u gjet vetëm pak minuta pas vrasjes e djegur në dalje të Elbasanit.
Makina e cila u gjend e djegur në zonën e Bradasheshit ishte raportuar e vjedhur në Fushë-Krujë, rreth tre muaj më parë nga pronari i saj.
Por policia nuk kishte mundur ta zbardhte si vjedhje.
Çështja tashmë i ka kaluar Krimeve të Rënda, ndërsa kjo nuk është hera e parë që makina që raportohen si të vjedhura përdoren më pas për vrasje të tilla mafioze.
