Kryebashkiaku i Tiranës, Erjon Veliaj, gjatë fjalës së mbajtur, në shpalljen e rikandidimit të tij, ka folur ndër të tjera edhe për thika pas shpine.
Veliaj bëri një krahasim mes atyre që duan të ndërtojnë ditën dhe atyre që sipas tij, prishin natën, njëlloj sit e legjenda e Rozafës.
“E mbani mend besoj legjendën e Rozafës, ku ajo që ndërtohej ditën, shembej natën. Kjo po ndodh edhe sot, disa duan të punojnë, disa të venë stërkëmbësha, të tjerë të fusin thikën pas shpine”, tha Veliaj.
Nuk dihet nëse këtë mesazh Veliaj e ka pasur për aleatin e dikurshëm Ilir meta, zyra e të cilit ndodhej shumë pranë vendit nga ku kryebashkiaku mbante fjalimin, apo për Monika Kryemadhin, që deri pak javë më parë nuk guxonte të sulmonte kreun e bashkisë.
