Ish-kryeministri Sali Berisha, ka reaguar sot pas ofertës që kryeministri Edi Rama i bëri opozitës, ku i tha se nëse ajo fiton një bashki më shumë në zgjedhjet lokale në qershor, në vjeshtë do të ketë zgjedhje të parakohshme.
Përmes një postimi në Facebook, Berisha, shkruan se kjo është një tjetër arsye më shumë për të shporrur Edi Ramën.
Ja postimi i plotë i Berishës:
“Qendrimi i Edvinit ne Kongres eshte thirrje per te shporrur sa me pare kalbesiren!
Miq, kushti i Edvin Kristaq Urrejtjes, ne kongresin funeber te kakistopartise, per opoziten per zgjedhje te parakohshme se “Nese opozita fiton nje bashki me shume se ne, shkojme ne zgjedhje”, eshte nje kushtrim tjeter per opoziten dhe shqiptaret.
Me kete deklarate, ky birbio qe rrembeu zgjedhjet me banda dhe para droge, u thote shqiptareve se vetem po nuk arrita t’ju grabis perseri shumicen e bashkive do plotesohet kerkesa juaj per zgjedhje te parakohshme.
Per popullin opozitar dhe çdo shqiptar kjo deklarate eshte kushtrim dhe ka vetem nje pergjigje: Ta shporrim, ta shporrim, te shporrim kalbesiren”.
Gjatë punimeve të Kongresit, kryeministri Rama, ndër të tjera, do të shprehej: “Nëse në 30 qershor fitoni një bashki më shumë se ne jemi gati të shkojmë në zgjedhje të parakohshme që në vjeshtë. E di që ju Luzim dhe ju pas Lulzimit nuk do e pranoni këtë sfidë se e dini ndaj keni dalë në rrugë, që aleancën e PS me njerëzit nuk e mundin dot me zgjedhje as në Kukës as në Skrapar lërë më pastaj në gjithë Shqipëri. Kjo ju ka dëshpëruar dhe t’i shkoni rrugës qorre deri tek ëndrrat me dhunë, ju jeni të parët që e dini që ne kemi fituar dhe do fitojmë kundër të gjithëve ju bashkë, dhe këtë herë më thellë, se jemi zëri dhe forca për të ardhmen e Shqipërisë”.
