Profesori dhe filozofi i njohur Përparim Kabo ka komentur deklaratën e Presidentit Ilir Meta, i cili tha se ihte gati për të lënë mandatin dhe për të sakrifikuar jetën për të mirën e vendit. Me ironi, Kabo shkruan se Meta ka vendosur të vetflijohet, por sipas tij, ai nuk është as trim dhe as me ideale si ish-presidenti argjentinas të cilit kreu i shtetit iu referua.
POSTIMI I PLOTË i KABOS
“Si e lexoj unë deklaratën e Presidentit të Republikës zotit Ilir Meta…Ka vendosur të iki…e sheh veten pa dhe jashtë misonit. Ka vendosur të vetflijohet, por nuk është as trim dhe as me ideale si Alende… Është thjeshtë një person me një retorik të varfër ambingue dhe me një mal me mëkate mbi shpinë dhe në ndërgjegjen e tij. Në fakt në gjykimin tim ka mbaruar gjithçka për të. Shqipëria u lodh por edhe mësoi gjithçka për këta me demek politikanët shqiptarë të tranzicionit. Aritmetika është e thjeshtë. Politikanët u pasuruan populli u varfërua.Të tjerat si krahasime apo insinuata nuk kanë as peshë e as vlerë. Edhe diçka, zoti Meta mos i bej karshillëk USA me krahasime banale, se shkurton ditët e tua. Ka disa momente që heshtja vlen më shumë.! Nëse do një këshillë, pyet a je presidenti i shqiptarëve?! Merr një përgjigje dhe pastaj mund të hysh apo të kuptosh se je jashtë historisë! Kë bërë mirë apo ke bërë keq në këta 29 e ca vit.Fundi nuk është tenativa për heroizëm, fundi është llogaria e jetës çfarë bëra për vendin tim”, shprehet profesor Kabo.
Presidenti Ilir Meta gjatë një vizite në Pogrades të para pak ditëve tha e kriza është institucionale dhe e rëndë. Meta u shpreh se është i gatshëm të dorëzojë mandatin si president për të mos lejuar instalimin e asaj që ai e quan “juntë”. Presidenti tha se për këtë arsye është i gatshëm të sakrifikojë edhe jetën e tij.
*Salvador Allende, Presindeti që përmendi Meta teksa foli për sakrifikim
