Tjetër vrasje e bujshme me breshërinë e 20 plumbave , goditi opinion public në vend. Teksa të gjithë janë të shokuar nga vrasja e biznesmenit Nard Polisë, i njohur si ‘Nardi i Bujtinave’ për shkak të biznesit të tij me bujtina dhe gatime tradicionale në Theth, miqtë dhe familjarët e tij e kanë ende të pamundur ta besojnë që ai nuk është më.
Sipas të dhënave të fundit që mësohen edhe nga deklaratat e miqve të tij, bashkëshortja e Nardit është në pritje të ëmbël, por që breshëria e plumbave ditën e djeshme me siguri që ia ka hidhëruar gjakun. Nardi dhe bashkëshortja e tij kishin edhe një fëmijë tjetër të mitur. Ndërkohë , miqtë e tij janë ende në gjendje shoku.
Dje ishte një ditë punë normale dhe rreth drekës konsumuam dhe kafen e drekës me Nardin dhe po bënim shaka se ai kishte një natyrë shumë të qeshur. Nuk e mendonim se mund të vdiste nga plumbat.
Ai ska pasur asnjë konflikt, asnjë problematikë me askënd, që qëkur kemi filluar të punojmë me të vec humor ka pasur”, shprehet një prej kolegëve të tij të Agjensisë Kombëtare të Zonave të Mbrojtura.
