Edhe protesta e ditës së sotme është pasqyruar nga mediat ndërkombëtare duek i dhënë jehonë ngjarjeve të fundit politike që ndodhin në vend.
Një ndër gazetat më prestigjoze, ‘New York Times’ ka zgjedhur të raportojë në kohë reale, ‘Live’ protestën e opozitës në kryeqytet duke theksuar edhe sloganet me të cilat protestuesit i janë drejtuar ministrave dhe deputetëve që janë mbyllur në Kuvend për seancën e sotme plenare.
“Opozita shqiptare në protestën e radhës, kërkon zgjedhje të parakohshme
Disa mijëra protestues opozitarë janë mbledhur para parlamentit shqiptar duke bërë thirrje për dorëheqje të qeverisë dhe zgjedhje të parakohshme.
Manifestimi i së enjtes bëhet në kuadrin e protestave të muajit të fundit nga opozita e udhëhequr nga Partia Demokratike, e cila akuzon qeverinë socialiste të kryeministrit Edi Rama për korrupsion dhe lidhje me krimin e organizuar. Qeveria i hedh poshtë akuzat si të pabaza.
Në demonstratat e mëparshme, përkrahësit e opozitës janë përpjekur të hyjnë në parlament apo kryeministri duke përdorur tymuese e shashka. Policia është përgjigjur me gaz lotsjellës.
Socialistët thonë se opozita nuk po e ndihmon progresin e Shqipërisë drejt anëtarësimit në Bashkimin Evropian.”
