Ndërkohë që vazhdon seanca parlamentare, dy liderët e protestës gjatë ditës së sotme, kryetarja e LSI, Monika Kryemadhi dhe Sekretari i Përgjithshëm i PD, Gazmend Bardhi janë ulur në shesh së bashku me disa protestues.
Ata u prononcuan për mediat duke i bërë thirrje Ministrit të Brendshëm dhe Policisë së Shtetit të heqin dorë nga presioni dhe të solidarizohen me shqiptarët. Sipas Barsdhit policia nuk ka dhënë asnjë urdhër apo mesazh drejtuar demokratëve ndërkohë që Kryemadhi ka ironizuar duke i bëtë thirrje ministrit tu sjellë nga një shishe ujë policëve.
‘Pse kemi punë tjetër ne. Nuk do ndalojmë, cdo ditë, cdo minutë, cdo sekond të sensibilizojmë cdo qytetarë. Para 4 mujash ka qenë shumë e veshtirë ti mbledhësh shqiptarët, por sot për një orë mund të sjellim në shesh qindra vetë. Sot shqiptarët nuk kanë cfarë të humbin me. Policia e Shtetit të shkojë tu marrë atyre deputetëve ca para se po u thahet buza policëve duke u përballur jashtë dëshirës së tyre me qytetarët e këtij vendi. Le ti paguajë Lleshaj ca bidona ujë meqë ka edhe llogari bankare të pa deklaruara. Të paktën t’u përgëzojë për punën dhe kushtet në të cialt po punojnë e jo ti heqi nga puna,’ është shprehur Monika Kryemadhi.
‘Në telefonin tim nuk kam asnjë thirrje nga policia e shtetit. Ata s’duhet të provokojnë sepse edhe ata kanë të njëjtat halle që kemi edhe ne këtu. Nëse nuk do të ishin me unifromë edhe ata do të ishin në shesh për të protestuar. Ata janë thjeshtë nën presion. I bëj të fala nga Sandër Lleshajt e deri tëk kreu i qeverisë. As Sandër Kimiku nuk mund të pengojë të drejtën për të protestuar. Nuk mund të na trembin sepse janë të drejta që i kemi fituar 30 vite më parë,’ deklaroi Gazmend Bardhi nga zemra e portestës.
