Është dorëzuar në polici mbrëmjen e sotme 61-vjexcari Islam Mylkaj, i cili vrau të enjten e shkuar tek Kodrat e Liqenit, Haxhi Baçinozin.
Vrasja ndodhi pas një sherri mes tyre, pasi vrasësi i kishte 45 mijë euro borxh viktimës. Pas dorëzimit në polici, Mulkaj ka thënë se e vrau Baçinozin, pasi ky i fundit i përndiqte vajzat për borxhin si dhe shpesh i kërcënonte familjen. Ai tha se ka qenë Baçinozi i cili sapo e ka parë e ka sharë dhe goditur, dhe më pas ky në gjaknxehtësi e sipër e ka vrarë,.
Mylkaj ka shfaqur pendesë për krimin e bërë para uniformave blu.
‘Jam penduar e vrava në gjaknxehtësi. Baçinozin e takova rastësisht tek Liqeni, ai më shau dhe më goditi. Baçinozi më përndiqte edhe vajzat. Familja ime kërcënohej vazhdimisht prej tij’, ka deklaruar Mylkaj para uniformave blu.
