Ajo është një nga prezantueset më të ëmbla në television. Kohët e fundit e kemi parë të preantojë një nga emisionet më të ndjekura në Shqipëri, siç është ‘The Voice Kids’. Duket se i është përshtatur më së miri ky project duke i hapur rrugën dhe për shumë të tjera. Por kush janë ata që i kanë dhënë një ndihmë Dojnës për t’u përfshirë në botën mediatike?
Ajo ka rrëfyer në intervistën për revistën ‘Class’, që kanë qenë disa persona që e kanë ndihmuar sikurse ka pasur dhe nga ata që e kanë nënçmuar.
“Kam nisur në “Top Albania Radio” në vitin 2012, kur isha vetëm 19 vjec. Asokohe, drejtuesit e radios donin që të bëja intervistat në terren, ndërkohë ishte Olti Curri ai që kërkoi më ngulm të isha pjesë e emisionit në studio. Ka qenë i pari që më dha dorë konkretisht. Më pas, kur fillova të njihesha më mirë me kolegët, të gjithë kanë pasur pjesën e tyre. Jonida Aliçkolli, Eno Popi, Drejtori Artistik i Radios, Dorian Gjergji, dhe Elona Duro, e cila më ka besuar e para programin “My Music Chart” në Digitalb. Ka qenë Elona e cila u bë, si të thuash, kumbara ime e parë në ekran”, -ka rrëfyer Dojna.
Ndërsa për personat që nuk kanë dashur që Dojna të jetë aty ku është sot, moderatorja thotë, që si për çudi, të gjithë nuk punojnë më në Top Media.
“Do të tingëllojë çuditshëm, por shumica e tyre nuk punojnë më në Top. Mami më tregonte gjithmonë kur isha e vogël‘Nëse ty të bie në qafë dikush, do t’i kthehet në një formë’”,- ka thënë Dojna për revistën ‘Class’.
