Një shpërthim me tritol ka ndodhur në oborrin e një banesë në lagjen 17 në Durrës, orët e para të mëngjesit të kësaj të mërkure.
Sipas policisë, nga shpërthimi i shëuar rreth orës 01:15 të mëngjesit në oborrin e banesës së Q.N., 54 vjeç, nuk ka të lënduar, por vetëm dëme materiale.
“Rreth orës 01:15, në lagjen nr 17/1 Durrës, në oborrin e banesës së shtetasit Q.H., 54 vjeç, ka shpërthyer një sasi e vogël lendë e dyshuar plasëse ,duke shkaktuar vetëm dëme të vogla materiale. Grupi Hetimor po punon për zbardhjen e plotë të kësaj ngjarje , identifikimin dhe kapjen e autorit/ëve”, njoftoi zyrtarisht Policia e Durrësit.
Mësohet se në atë banesë jeton 54-vjeçari bashkë me të shoqen, ndërsa fëmijët i ka në emigrim. /BN/
