Një i ri ka humbur jetën këtë të mërkurë në vendin e punës. Mësohet se viktima është Alfred Frroku, punëtor i firmës kontraktuese për rregullimin e Urës në vendin e quajtur ish-Uzina e bakrit, në “rrugën e Kombit”.
Sipas një rindërtimi paraprak të ngjarjes nga policia e Kukësit, 32-vjeçari, banues në Lezhë, punëtor i firmës kontraktuese për rregullimin e Urës në vendin e quajtur “ish-Uzina e bakrit”, duke punuar ka rënë nga ura, ku për pasojë ka gjetur vdekjen e menjëhershme.
“Grupi hetimor ndodhet në vendin e ngjarjes, ku po punojnë për dokumentimin e plotë të ngjarjes”, njoftoi Policia. /BN/
