Prokuroria për Krime të Rënda kërkoi burg përjetë për 77-vjeçarin Namik Velajn. I moshuari akuzohet për vrasjen e bashkëshortes së tij Verke Velaj, në Janar të vitit 2017.
Ndërkohë, për mjekun Ilir Tanku, i cili e klasifikoi natyrale vdekjen e Verke Velajt, u kërkua 3 vite burg dhe 2 vjet heqje të së drejtës për të ushtruar profesionin e tij.
Krimi në familjen Velaj në Patos u fsheh, duke u raportuar fillimisht, si vdekje natyrale. Ishin veprimet hetimore të kryera në vijim nga Prokuroria për Krimet e Rënda që zbardhën krimin, duke identifikuar 76-vjeçarin si autor
Sipas Prokurorisë, i moshuari ka mbytur bashkëshorten për motive ende të pasqaruara.
Indiciet e para për vdekjen jo natyrale të Verke Velajt u morën nga të afërm, të cilët gjatë ceremonisë mortore konstatuan hematoma në qafën e viktimës.
Velaj ndodhet nën masën e sigurisë “arrest me burg”.
/BN/
