Edi Rama na ka befasuar të gjithëve me ftesën publike që i ka bërë liderit historik të Partisë Socialiste, Fatos Nano.
Sipas burimeve, ky i fundit do të jetë i ftuari VIP në Kongresin e PS-së, ndërsa mësohet se të pranishëm do të jenë edhe disa figura të shquara dhe personalitet të PS-së, si Servet Pëllumbi, Rexhep Meidani, Ylli Bufi.
Por ajo që na ka kapur në befasi është reagimi i numrit dy të PS-së, Taulant Balla. Ky i fundit ka deklaruar një ditë më parë se do të donte shumë që Fatos Nano të merrte pjesë në këtë Kongres të rëndësishëm të socialistëve.
“Ftesa për Fatos Nanon? Zoti Nano është lider historik i PS-së, personalitet që i ka dhënë shumë politikës shqiptare. Unë do të shpresoja shumë që të ishte pjesë e punimeve të Kongresit”, është shprehur Balla.
Kujtojmë se në kohën kur Fatos Nano ishte kryeministër Taulant Balla e ndiqte pas me valixhe në duar.
Dhe pse ka marrë ftesa nga Partia Socialiste, Fatos Nano nuk ka marrë pjesë në asnjë nga kongreset e zhvilluara pas vitit 2005, kur ai dha dorëheqjen si kryetar i PS-së.
