Sërish ‘rrjedhje’ nga radhët e opozitës. Enada Koçiraj, e cila vjen nga radhët e LSI-së ka dorëzuar formularin e dekriminalizimit në KQZ, duke iu shtuar radhëve të ‘rebelëve’ që pranojnë mandatin e deputetit.
Pak ditë më parë, kryetarja e LSI, Monika Kryemadhi përjashtoi nga partia të gjithë ata që pranuan mandatin e deputetit. Të njëjtën lëvizje ka bërë edhe Partia Demokratike.
Opozita, përmes një akti të paprecedentë, ka vendosur dorëzimin e mandateve të deputetëve, duke e cilësuar parlamentin ilegjitim, e të formuar nga zgjedhje të blera me para krimi. Pas kësaj, autoritet ligjzbatuese kanë nisur proceduarat për zëvendësimin e deputetëve në parlament. Shumica e kandidatëve për deputetë të zgjedhjet e kaluara parlamentare nuk kanë pranuar mandatin e deputetit, duke qëndruar në të njëjtën linjë me ligjvënësit e opozitës që dorëzuan mandatet. Por ka pasur edhe nga ata, të cilët kanë ndjekur një linjë tjetër, duke pranuar mandatet. /BN/
