Sulmuesi i Bajernit të Mynihut, Rober Levandovski ka pranuar në një intervistë me mediat spanjolle se ishte pranë kalimit te Reali i Madridit në sezonin e kaluar. Polaku i përgjigjet pozitivisht pyetjes nëse Reali i kishte kërkuar atij të largohej nga Mynihu.
“Po, është e vërtetë, ka ndodhur. Ramos dhe Ronaldo u munduan të më bindnin për të luajtur në Madrid”, u shpreh bomberi i skuadrës më të titulluar në Gjermani.
“Por unë vendosa të qëndroj te Bajerni, pasi dëshiroja të fitoj këtu”. Në sezonin e kaluar zërat për një largim nga Mynihu ishin të shpeshtë. Lojtari ndërroi edhe menaxherin tij të vjetër, duke shtuar dyshimet për një largim. Por ai qëndroi pasi u bind nga Kovaç.
