Një studim i ri ka zbuluar se konsumimi i zgjatur i dietës perëndimore (produktet e kafshëve, yndyrnat dhe sheqernat) ka ndikim të keq në tru.
Shkencëtarët zbuluan se një dietë e tillë, së bashku me mungesën e ushtrimeve fizike, është përgjegjëse për 25% të rasteve me sëmundjen e Alzheimer-it.
Të dyja bashkë çojnë në një nivel më të lartë inflamacioni, gjë që besohet se rrit rrezikun e prekjes nga skleroza. Ky zbulim është shumë shqetësues, thonë ekspertët, pasi ky lloj stili jetese është shumë i zakonshëm, sidomos tek njerëzit e moshës së mesme.
Studimi është kryer nga shkencëtarët amerikanë të “Tufts University”, të cilët kërkuan të vëzhgonin më nga afër lidhjen midis dietës dhe sklerozës.
Një dietë perëndimore është një përzierje e një sasie të madhe produktesh që vijnë nga kafshët, yndyrnash dhe sheqernash, me shumë pak produkte bimore.
Shkencëtarët i dhanë një miu të shëndetshëm një dietë perëndimore për 8 muaj radhazi gjatë eksperimentit. U vu re se konsumimi për një kohë të gjatë i ushqimeve të tilla çoi në shenja skleroze te miu.
