Mbrojtësi kuqezi, Ansi Agolli i dha lamtumirën aventurës 9-vjeçare para pak ditësh me ekipin e Karabakut dhe ka mbërritur në Amerikë, ku është bashkuar me skuadrën e New York Cosmos. Ai ka nisur edhe stërvitjen e parë me klubin e ri.
Skuadra e re e 36 vjeçarit militon në Ligën e dytë të futbollit amerikan. Më parë te ky klub janë aktivizuar edhe legjenda të futbollit botëror, si Beckenbauer dhe Pele, madje ky i fundit është akoma president nderi në këtë klub.
Kjo është eksperienca e parë për 36-vjeçarin në kampionatin amerikan, pasi kujtojmë që në të kaluarën ka veshur fanellën e Tiranës, Apolonisë, Ksamaks, Luzern, VPS, dhe Kryvbas. Agolli numëron 73 paraqitje me ekipin Kombëtar që prej vitit 2005, ku ka arritur të shënojë edhe 3 gola.
Agolli u nda mes lotëve nga Qarabak, ku gjatë karrierës 9 vjeçare arriti shumë suksese dhe la një emër të mirë. Me Qarabak, Agolli fitoi 4 tituj kampion, 3 Kupa të Azerbajxhanit dhe pjesëmarrje intensive në Kupat e Europës.
