Një sondazh i kryer nga “Pizza Hut” ka treguar se çereku i britanikëve mendojnë se fansat e picave pikante janë më të mirë dhe më aventurierë në seks. Një në tre persona ka pranuar se porosit picë pikante për t’i rënë në sy partneres në takimin e parë, ndërsa 1 në 10 do të refuzonte një takim të dytë nëse në takimin e parë nuk konsumonin ushqime pikante
Për këtë arsye, “Pizza Hut” ka lançuar 3 salca të reja pikante për t’ia shtuar çdo pice: salcën pikante të butë, të fortë dhe përvëluese.
Një zëdhënës i kompanisë tha: “Është e qartë se shumë njerëz i pëlqejnë ushqimet pikante, kështu që donim që të ngrinim temperaturat dhe të sfidonim shqisën e shijimit me 3 salca të reja pikante”.
Studime të ndryshme kanë treguar se ata që konsumojnë nivele të larta ushqimi djegës, kanë nivele të larta testosteroni. Hormoni i testosteronit luan një rol të rëndësishëm tek meshkujt. Ai kontrollon rritjen, zhvillimin dhe vrullin seksual. Ushqimi djegës, po ashtu ndihmon në humbjen e peshës, parandalon kancerin, ul presionin e gjakut, mbron zemrën si dhe ndihmon në uljen e stresit.
Nxehtësia e specave djegës mendohet se prodhon nxehtësi edhe te njeriu, duke shërbyer si “lojë paraprake”. Specat djegës janë të pasur edhe me vitaminë C, që ndihmon qarkullimin e gjakut.
