Eliminimi nga UEFA Champions League prej Juventusit mund t’i kushtojë shtrenjtë Atleticos së Madridit.
Skuadra madrilene është jashtë çdo gare për titull këtë sezon dhe mbushja e arkave të ekipit pritet të bëhet përmes shitjeve të yjeve të saj kryesor. Dhe sipas “L’Equipe”, i sakrifikuari i “Los Colcheoneros” është sulmuesi francez, Antoine Griezmann. 27 vjeçari është vënë shpesh në listën e dëshirave të skuadrave të ndryshme, por vera e këtij viti pritet të jetë ajo fatale.
Sipas këtij artikulli, kartoni i Griezmann do të pësojë një ulje drastike, teksa klauzola aktuale e tij prej 200 milionë euro do të bjerë në 120 milionë euro në qershor. Një shifër kjo e konsiderueshme për shumë skuadra, por jo për Barcelonën që është e gatshme të bëj një tjetër sforco për të arritur te Kampioni i Botës.
Në garë për Griezmann pritet të jenë edhe skuadra si Manchester United, PSG dhe Juventus.
