Policia holandeze ka raportuar për disa persona të plagosur pas të shtënave me armë zjarri në qytetin Utreht.
Sipas mediave vendase, sulmuesi i dyshuar ka nisur sulmin në një tramvaj para se të largohet nga skena ku ka ndodhur incidenti. Sheshi rreth stacionit të tramvajit është rrethuar nga autoritetet dhe shërbimet e emergjencës kanë arritur në këtë zonë.
Të shtënat është thënë të kenë ndodhur rreth orës 10:45 sipas kohës lokale. Sipas autoriteteve, tre helikopterë janë nisur në skenën e të shtënave. Policia ka kërkuar që të lirohen rrugët, në mënyrë që ekipet e emergjencës të arrijnë më shpejt.
Dyshimet janë se kemi të bëjmë me një sulm terrorist. Pak ditë më parë, një sulm terrorist në Zelandën e re i mori jetën mbi 40 personave. /BN/
