Nga Boldnews.al
Ndoshta është nga të rrallët kryebashkiakë që pas vetes mban truproja vigjilentë që janë aty për të mbrojtur me trupin e tyre çdo “atentat” të mundshëm ndaj tij. Kryetarët e bashkive në organikën e të punësuarve nuk kanë të drejtë të mbajnë truproja, pasi ligji nuk e parashikon, por Veliaj që në media shfaqet si “qytetar i thjesht” që lëvviz me biçikletë dhe ndonjëherë edhe në autobusë urban, është kapluar nga psikoza se do të sulmohet.
Dhe dje i ndodhi një “atentat” që “fatmirësisht” u neutralizua pas ndërhyrjes së truprojave dhe drejtorucëve të bashkisë së Tiranës. Dy studentë tentuan t’i hidhnin bojë në shenjë revolte për ndërtimet që ia kanë zënë ajrin qytetarëve, për aferat e dyshimta korruptive, për vdekjen e një 17-vjeçari në landfillin e Sharrës e për çdo paudhësi tjetër që Veliaj e ka pas çdo akti që firmos.
Gjeste të tilla në të gjithë botën ndodhin, edhe reagimet për të mbrojtur zyrtarin janë të kuptueshme, por mbajtja peng ose (heqja e paligjshme e lirisë), në asnjë rregullore, ligj e kod nuk shkruhet. Megjithatë jemi para një krijese klonimi nga Rilindja dhe Erion Veliaj është spidermani që ia lejon vetes nën arrogancën e pushtetit që të kthehet në pengmarrës i kujtdo që e kundërshton.
Sikurse ka dëshmuar një nga protagonistët e incidentit studenti Gëzim Almeta, ai bashkë me shokun e tij janë dhunuar dhe mbajtur nën trysni peng në bodrumet e Bashkisë Tiranë. Pamjet e dhunës janë të qarta, ndërsa heqja e paligjshme e lirisë, është “liria” që Veliaj ia jep vetes.
“Me goditën me grushta dhe më thanë do të vrasim sapo të dalësh nga komisariati. I njoh të gjithë policët personalisht, nuk kam gjë me ata por me atë që dha urdhrin politik. E dëgjova Erion Veliajn kur iu tha efektivëve rriheni atë djalin… Jam mbajtur në bodrumin e Bashkisë për 25 minuta derisa erdhën Shqiponjat.
Më kanë ushtruar dhunë serish, nuk kam bërë rezistencë. Efektivët e Shqiponjës me provokuan duke më goditur pas shpine kur isha i prangosur. Më kanë goditur edhe mua dhe shokun tim”-tha në intervistë për mediat Gëzim Almeta.
Lali Erin mund ta shash, fyesh, përbuzësh, ta denoncosh, sulmosh politikisht, reagosh me pankarta në duar, ti zësh pragun e bashkisë e çdo revotë tjetër, por ai nuk pyet për asnjë nga këta. Në Prokurori dosjet i mbylli kur darkonte e drekonte me ish-kryeprokurorin e Tiranës, e në këmbim firma “Fusha” po betonizon Tiranën, duke u fshehur thuajse pas çdo tenderi miliona eurosh.
Ai është në gjendje të mbulojë edhe skandalin më të madh, i bishtnon çdo afere e shkelje ligjore, por nëse e bëni pis në imazh, atëherë kjo qenie pa bosht që shfaqet si dashamirës, bëhet përbindësh, të thyen brinjët, të kërcënon…
Kjo ndodhi edhe dje. Lali Eri është një krijesë mediatike, gati surreale për nga mënyra si qeveris kryeqytetin, në një botë vituale që të mbyt me propagandë dhe nëse i bëhet pis kjo pjesë ai është kryebashkiak i rënë.
Nga shkeljet e dukshme ligjore ai nuk ka frikë, po nëse i shembet propaganda, qoftë edhe me pak bojë në fytyrë ai bie, fundja si pjellë e vëçantë e Rilindjes e krijuar nga agjit-propi partisë sikurse u ngrit ashtu edhe shembet. Ndaj Veliaj të mban peng e është gati të kthehet në urdhërues krimesh nëse i preket propaganda dhe imazhi.
