Shumë njerëz e hanë ushqimin shpejt dhe pa kujdes. Studimet e fundit tregojnë se ngrënia ngadalë mund të jetë një qasje më e zgjuar, pasi ju bën të ndiheni të ngopur dhe me shumë mundësi të humbni peshë.
Ngrënia shpejt mund të shkaktojë shtim në peshë
Njerëzit që hanë shpejt kanë tendencë të jenë më të rëndë se sa ata që hanë ngadalë. Në fakt, ngrënësit e shpejtë kanë të ngjarë të jenë obezë 115 për qind më shumë se ata që i japin kohë vetes para pjatës.
Ngrënia ngadalë ju ndihmon të hani më pak
Pas ngrënies, stomaku juaj lëshon një hormon të quajtur ghrelin, i cili kontrollon urinë. Gjithashtu lëshon dhe hormonin antiuri cholecystokinin. Të gjithë këto hormone lëshojnë në tru mesazhin që ju keni ngrënë dhe lëndët ushqyese janë përthithur. Kjo redukton oreksin, ju jep ndjesinë e të ngopurit dhe ju ndalon të hani më tepër.
Pra ngadalësia në të ngrënë, i jep trurit kohën e nevojshme, kështu që me shumë gjasa ju keni ngrënë më pak.
Me pak fjalë e ngrëna ngadalë çon në rënie të sasisë së ushqimit, për shkak dhe të shtimit të hormonit antiuri.
Gjatë një studimi 17 njerëz të shëndetshëm konsumuan akullore në masën 300 ml në 2 mënyrat. Sasia e hormoneve të tyre u rrit pas ngrënies ngadalë dhe pjesa më e madh e tyre raportuan se ndjehen të ngopur, ndryshe eksperimenti i parë ku hëngrën shpejt dhe kërkuan më tepër në fund të kupës me akullore.
E ngrëna ngadalë mund të ulë masën e kalorive të marra
Në një studim më vete, njerëz me peshë mesatare dhe mbipeshë u vëzhguan ndërsa hëngrën drekë në forma të ndryshme. Të dy kategoritë konsumuan më pak kalori gjatë vaktit të ushqimit të ngadaltë. Ata gjithashtu deklaruan se ndjeheshin të ngopur mjaftueshëm në fund të vaktit të tyre.
E ngrëna ngadalë ndihmon në përtypje
Që të hani ngadalë ju duhet ta përtypni disa herë ushqimin para se ta kapërdini. Kjo ju ndihmon në reduktimin e kalorive, rrjedhimisht dhe në humbjen e peshës. Nga vëzhgimet e bërë nga specialistë të fushës, personat me probleme në peshë kishin tendencë ta përtypnin më pak ushqimin se njerëzit me peshë normale. Përveç kësaj, përtypja ju jep mundësinë të shijoni dhe vaktet ushqimore. Në të njëjtë kohë përtypja e çdo kafshate për 30 sekonda redukton konsumin e një ushqimi tjetër më vonë.
Ja çfarë përfitoni nëse përtypeni dhe hani ngadalë
Rrisni kënaqësinë e marrë nga ushqimi
Ndihmoni tretjen
Lëndët ushqyese përthithen më shpejt
Ndihmoni shëndetin e dhëmbëve
Ju bën të ndiheni më të qetë dhe në kontroll
Redukton stresin
