Nga Boldnews.al
Edi Rama iu përvodh protestës së sotme masive në kryeqytet, e organizuar nga opozita e bashkuar dhe e mbështetur nga mijëra qytetarë. Teksa protestuesit e revoltuar me kryeministrin dhe qeverisjen e tij i kishin rrethuar zyrën, shefi i ekzekutivit u ndal në qarkun e Beratit, ku zhvilloi disa takime me ‘besnikët’ e tij. Aktivitete propagandistike që i shpërndau në faqen e tij në Facebook, ku është mjaft aktiv me përhapej e propagandës.
Fillimisht, Rama u shfaq drejtpërdrejt nën logon e “ERTV” nga Berati, ku njoftoi një nismë ‘inovative’ për vendin, që sipas tij, do të lidhë shpirtërisht turistët e huaj me vendin tonë: Krijimin e muzeut të rakisë.
Më tej, zhvilloi një takim në një fermë në fshatin Tapi të Kuçovës. Aty, gjatë komunikimin me kryeministrin e ardhur nga Tirana, pronari lavdëroi gratë (punëtore në biznesin e tij) dhe u ankua për burrat. Taktikë kjo e përdorur rëndom nga Rama gjatë daljeve të tij publike.
Një tjetër ndalesë ishte dhe gjimnazi i Kuçovës, ku i shoqëruar nga deputetja Ermonela Felaj, trumbetoi me të madhe suksesin e “transformit” të shkollës. Në një moment, Rama takon disa gjimnaziste që luanin volejboll, në ambientin që ka qenë aty dhe nuk është krijuar tani, nga “investimi i madh i të qeverisë”.
“I kanë dhe bluzat me stemë”, dëgjohet të thotë Felaj, shoqëruesja e Ramës për vajzat që shfaqeshin duke luajtur volejboll, në këtë videoklip propagandistik. Pikërisht ashtu, të veshura me uniforma, sipas urdhrit që iu dha gjimnazisteve…
“Boldenws” mëson se nga mësuesit i është dhënë urdhër nxënësve para vizitës së Ramës, që “të vishen me tuta dhe kostume sportive se do vijë kryeministri për vizitë”. Pikërisht ashtu siç ishte veshur i pari i qeverisë: me tuta. Dhe për ta bërë më bindëse, nxënësve u është thënë se ky është urdhër “nga Drejtoria Arsimore”.
Gjatë të njëjtës video 3-minutëshe të shpërndarë në Facebook-un e Ramës, deputetja Ermonela Felaj, teksa ecën krah kryeministrit, dëgjohet të thotë: “Është shndërruar totalisht. Hapësirat që kanë qenë më shumë si gazprodhuese në të shkuarën janë shndërruar totalisht, janë hapur, janë bërë gjithë dritë. Janë dy godina që kanë qenë në gjendje të degraduar. Asnjëherë të vëna dorë. Janë çliruar ambientet e reja”. Pavarësisht fjalëve të bukura, shumëkush që ka mësuar tre vite në atë gjimnaz, e di farë mirë se figura letrare e përdorur në këtë rast nga deputetja socialiste për të përcjellë idenë e transformimit pozitiv, është HIPERBOLA.
Më tej, teksa filmimet zhvendoset “te gazetat”, siç e njohin vendin aty qytetarët e Kuçovës, Rama flet për një projekt tjetër ‘ambicioz’.
Megjithatë, qytetarët e zakonshëm, madje dhe ata syresh që dolën të bënin sërish kryeministrin, disa të detyruar e të tjerë nga kërshëria për të parë “të madhin”, e dinë fare mirë se qeveria dhe bashkia, që gjithmonë ka qenë e PS-së (në zgjedhjet e fundit koalicioni PS-LSI fitoi zgjedhjet bashkiake) ka bërë pothuajse asnjë për qytetin.
