Protesta e qytetarëve shqiptarë ditën e sotme, u komentua gjerësisht në të gjithë mediat botërore, duke u cilësuar si një nga protestat më të mëdha në historinë e vendit.
Por mesa duket kjo protestë madhështore, nuk i ka bërë përshtypje kreut të grupit parlamentar socialist, taulant ballës.
Madje Balla shkon deri aty sa thotë se protestuesit nuk ishin shqiptarë, a thua se ata mijëra persona para kryeministrisë dhe parlamentit ishin UFO.
‘Këta që protestuan nuk ishin populli shqiptar. Dhunuesit do ndëshkohen. Protestat po dëmtojnë ekonominë dhe imazhin e Shqipërisë. U godit prona publike, u godit policia, duhet të dënohen dhunuesit, që janë urdhëruar nga lidershipi politik i opozitës. Huliganët urdhërohen nga lidershipi i opozitës. Le të hetohen komunikimet telefonike dhe do të shikoni se urdhërat jepen nga lidershipi. Nesër në festë do jenë më shumë shqiptarë sesa ishin sot…’, deklaroi Balla në News 24.
