Ambasada Amerikane, pak orë më parë u ka dërguar të gjithë qytetarëve të saj në vendin tonë nga një mesazh ku i lajmëron se ku janë zonat të cilat duhet të shmangin nga protesta që do të mbaj opozita.
Në mesazh kërkohet nga amerikanët që të tregojnë kujdes në katër zona të kryeqytetit: Bulevardi ‘Dëshmorët e Kombit’, Zogu i Zi, Qyteti i Studentit dhe stadiumi ‘Selman Stërmasi’.
Ambasada thekson se kohëzgjatja e protestës është e panjohur dhe se protestuesit mund të shpërndahen në zona të tjera. “Rreziku për dhunë ekziston. Demonstrata të ngjashme janë kthyer së fundmi në të dhunshme dhe kanë rezultuar me dëmtime të protestuesve dhe policëve”, thuhet ndër të tjera në mesazhin e ambasadës.
Protesta e opozitës do të nisë në orën 11:00, ku qytetarët do të kërkojnë largimin e kryeministrit Edi Rama, i akuzuar për lidhje me krimin dhe oligarkët.
