Kryetarja e Lëvizjes Socialiste për Integrim, Monika Kryemadhi, ka folur në News 24, për protestën madhështore të opozitës ditën e sotme.
Ajo ka treguar se shumë pranë saj policia ka hedhur një bombë zhurmuese, si dhe gjatë protestës ka përdorur shumë gaz lotsjellës çka ka shkaktuar trauma tek qytetarët, mes tyre gra dhe fëmijë të mitur.
‘Njerëzit janë dëmtuar jo vetëm me gaz por edhe me ujë me solucion kimik sot. Edhe unë jam ndjerë keq. Një bombë e tillë si kjo që i ka plasur Erjonit më ka plasur edhe mua. Zhurma ishte e fortë. Po ashtu edhe përdorimi i gazit sot ishte i ekzagjeruar. Unë isha diku tek kafe 1 Maji dhe e ndjeva”,- sqaroi ajo.
