Pas mbylljes së stërvitjes, ekipi menjëherë është nisur drejt grumbullimit në hotelin e zakonshëm në juglindje, atje ku do të zhvillohej edhe analiza e fundit video e trajnerit Shehi. Por para analizës, bardhekuqtë kanë zhvilluar edhe një mbledhje me presidentin Ardjan Takaj, i cili veç motivimit, ka kërkuar nga të tijtë që të rrisin performancën e tyre në çdo ndeshje, duke treguar dëshirë dhe karakter për fitore.
Veç të tjerash, numri një i klubit bardhekuq ka kërkuar nga ekipi që të japin maksimumin deri në fund të sezonit për të kapur zonën europiane. Ultimatumi i Takajt ka qenë i qartë duke u treguar i vendosur se ekipi duhet të renditet me çdo kusht në pjesën e sipërme të renditjes në tri vendet e para për të marrë pjesë në Europë sezonin e ardhshëm.
