Ministri i Brendshëm, Sandër Lleshaj ka reaguar pas protestës së opozitës. Leshaj ka sulmuar opozitën dhe ka përgëzuar efektivët e policisë.
“Edhe sot Policia e Shtetit u vu në shënjestër të dhunës së verbër që mësynte ndaj Kuvendit të Shqipërisë. Keqardhje për degradimin e opozitës parlamentare në gjendje parapolitike dhe respekt për përgjegjshmërinë e profesionalizimin e Policisë së Shtetit”, shkroi ministri në Twitter.
Gjatë protestës së sotme, policia nuk u kursye në përdorimin e gazit lotsjellës ndaj protestuesve, duke shkaktuar shumë të lënduar. Disa prej tyre përfunduan në spital me lëndime serioze. /BN/
