Efekti i gazit lotsjellës të përdorur nga policia në protestën e sotme, ka sjellë probleme shëndetësore te shumë protestues. Disa prej tyre janë shtruar në spital për të marrë ndihmë mjekësore.
Ish-deputeti demokrat Luçiano Boçi ka publikuar foto të protestuesve të lënduar, të cilët të prekur nga efektet e gazit, kanë përfunduar në spital.
Bashkë me fotot, në një sttaus në Facebook, Boçi shkruan: “Brutaliteti i policisë, me përdorimin e lëndëve helmuese, mbi protestuesit ka sjellë dëmtime serioze për ta. Junta ushtarako-policore e Ramës ka ushtruar dhunë dhe ka goditur qytetarët. Kodhel Çala është sulmuar nga afër me pistoletë lënd-hedhëse, drejt e në sy. Ka humbje shikimi dhe komplikacione në frymëmarrje. Flamurmbajtësi, i veshur me simbolet e flamurit, Ago Nuhaj, goditet dhe ai. Gjendja shëndetësore është e agravuar me shikimin dhe frymëmarrjen. Ky është regjimi i ‘hajdutit’ psiqik. Fundi është afër”!
