Ministrja e Edi Ramës, Elisa Spiropali, ka zbuluar ditën e sotme se cila është arma e saj e ‘fuqishme’ që e ndihmon t’ia dalë përballë atyre që e ofendojnë.
Sigurisht që shqiptarët që e ofendojnë janë të shumtë, pas ‘lëpirjes’ së madhe që i bëri Edi Ramës duke e krahasuar atë me heroin tonë Kombëtar, Gjergj Kastriot Skënderbeu.
E ftuar në emisionin “Ftesë në Pesë” Spiropali pranoi se kanë qenë të shumta rastet kur e kanë ofenduar apo përfolur, megjithatë asnjëherë nuk është ndierë e ofenduar, sepse nuk i ka marrë seriozisht fjalët që janë thënë prapa krahëve.
Sipas saj, këmbëngulja për t’i çuar gjërat deri në fund është padyshim arma që e ka ndihmuar t’ia dalë përpara çdo sfide dhe të arrijë këtu ku është sot.
“Nuk heq dorë dhe kam besim tek ato që bëj, ndryshe nuk do t’i bëja”, tha ndër të tjera Elisa.
