Në Nion të Zvicrës, u hodh mesditën e sotme shorti për çerekfinalet e Ligës së Kampionëve.
Përballja më e zjarrtë që rezervuan goglat është ajo mes Barcelonës dhe Mançester Junajted. Shorti u tregua bujar me Juventusin, që ‘peshkoi’ Ajaksin, një kundërshtar i lehtë në letër, megjithatë rreziku mbetet duke pasur parasysh që holandezët eliminuan Real Madridin, kampionët në fuqi. I lehtë në letër shorti është edhe për Liverpulin që do të përballet me portugezët e Portos.
Goglat rezervuan edhe një debi anglez, mes Totenhamit dhe Mançester Sitit.
I ftuar special për të marrë goglat ishte ish-portieri i Inter, Julio Cesar, kampion në Champions League në vitin 2010, me skuadrën zikaltër.
Sfidat çerekfinale
- Çifti 1: Ajaks – Juventus (9 dhe 16 prill)
- Çifti 2: Liverpul – Porto (9 dhe 16 prill)
- Çifti 3: Totenham – Manchester Siti (10 dhe 17 prill)
- Çifti 4: Mançester Junajtid – Barcelona (10 dhe 17 prill)
Në gjysmëfinale
- Fituesi i çiftit 3 – Fituesi i çiftit 1
- Fituesi i çiftit 4 – Fituesi i çiftit 2
/Boldenws.al/
