Një aksident me vdekjen e një vajze adoleshente ka ndodhur këtë të premte në Borsh. Viktima është Analuiza Duro, 17 vjeçe.
Sipas një rindërtimi paraprak të ngjarjes nga policia, ora shënonte rreth 17:20, kur në vendin e quajtur mbi Borsh, R.Dh. 19 vjeç, duke drejtuar automjetin tip ‘Audi’, ka humbur kontrollin dhe ka përfunduar në kanal.
Për pasojë, ka humbur jetën 17-vjeçarja, banuese në Borsh, e cila ishte pasagjere në mjet, shtuan të njëjtat burime.
Drejtuesi i mjetit është shoqëruar në Komisariatin e Policisë Sarandë për veprimet e mëtejshme procedurale, njoftoi Polica, ndërsa grupi hetimor po punon për zbardhjen e plotë të shkakut të aksidentit.
/Boldnews.al/
