Kryebashkiaku Erion Vrliaj, me sa duket nuk është mjaftuar vetëm me shtyrjen e “Ditës së Verës”, një tjetër vendim ka marrë. Po në datën që do të zhvilloj festën që me shekuj festohet në datë 14 Mars ka marrë vendimin që të zhvilloj edhe ditën pa makina.
Pra një kaos pritet të jetë data 17 për Tiranën, pasi nga njoftimi i fundit bashkia e Tiranës ka marrë vendimin që ta kthejë bulevardin “Dëshmorët e Kombit”, në pedonale. Si pasoj do të bllokohet qarkullimi.
Bashkia e Tiranës ka vendosur që 17 Marsin ta shpallë edhe Ditë pa Makina, duke e kthyer Bulevardin “Dëshmorët e Kombit” në pedonale.
Ditën e diel, më 17 Mars, do të ndalohet qarkullimi i automjeteve në Bulevardin “Dëshmorët e Kombit” nga ora 08:00 deri në orën 17:00. Gjithashtu, do të ndalohet qarkullimi në sheshin “Nënë Tereza” nga data 16.03.2019 ora 19:00 deri në datën 18.03.2019 ora 00:00, si dhe në rrugën “Pjetër Bogdani” dhe “Brigada e VIII”, segmenti i rrugës midis “Vaso Pashës” dhe “Ibrahim Rugovës” në datë nga ora 08:00 deri orën 04:00 datës 18 Mars.
Për automjetet e emergjencës dhe të Policisë së Shtetit, qarkullimi do të bëhet në rrugët: “Ibrahim Rugova”, “Vaso Pasha” dhe “Papa Gjon Pali II”, në Unazën e Vogël të qytetit.
Ndërkaq, qarkullimi i mjeteve të transportit urban të qytetit do të devijohet si më poshtë:
Linja e Unazës do të devijohet në Urën e rrugës “Sami Frashëri” me urën e rrugës “Elbasanit”.
Linja “Tirana e Re” do të devijohet në rrugën “Sami Frashëri”.
Linja Kinostudio-Kombinat do të devijohet tek Sheshi “Medresesë” si dhe përballë kishës Ortodokse në rrugën e “Kavajës”.
